PASAMBAHAN MANARIMO TAMU DI SLB NEGERI 1 PADANG

Hiasan sanggue para ratu
Jauah bajalan kinilah sampai
Kini lah tibo di SLB Negeri 1

Cari paku di tapi rimbo
Tumbuahnyo jan acok digemai
Yang ditunggu kini lah tibo
Tamu jauah dari kota gelamai

Disabuik-sabuik bilo tibonyo
Dapek kaba kiniko hari
Disambuik jo siriah sarato carano
Tandonyo kami baputiah hati
.......

Sairiang balam jo barabah
Balam tibo barabah mandi
Samo mambumbuang kaduonyo
Sairiang salam sarato sambah
Salam tibo sambah kumbali
Tabao rendong kasadonyo

Tanam siriah tanamlah udang
Tanam karakok di halaman
Cabiak siriah makanlah pinang
Kaganti rokok pamenan tangan

Hiliakan aie ka arah alai
Mudiakkan sawah ka taruko
Kok banyak bana siriah dibalai
Sakiro iko dalam carano

Induak ayam tabang batali
Dilurah mangko maraok
Tabang marandah masuak salokan
Makanlah sirih pinang kami
Bapapatah mangko dicabiak
Bari sadah mangko dimakan
Sapahnyo bari junjungan

Sirih bacabiak mintak dimakan
Pinang sagatok mintak dikunyah
Nan sanang hati sipangkalan
Paririk an dek rombongan
Sarato hadirin kasadonyo
Gayuang tak usah ka disambuik
Kato tak usah ka dijawek
Jo karajo nyato kito nyatokan

Pantun jo sambah maknanyo dalam
Kato sapatah di tangah laman
Ayun langkah molah ka
dalam
Mari kito babagi pangalaman